Pirates-útilegan 5-8. júní

Fyrst vil ég minna alla á að skrá sig í Pirates útileguna á http://www.skati.is/ ef þeir ætla sér að fara (eins og eitthvað annað sé í boði), það verður magnað stuð og fjör.

Eins og allir eiga að vita þá stóð til að áhugasamir gætu gengið hluta leiðarinnar á Úlfljótsvatn á fimmtudaginn. Í ljósi þess að mikill jarðskjálfti varð á svæðinu í gær var það samhljóma ákvörðun mín og fararstjóra Pirates að bjóða ekki upp á þessa göngu í þetta skipti. Andlegur þægindastuðull á göngusvæðinu er afar smár um þessar stundir og maður ekkert sérstaklega spenntur fyrir því að fara að ganga þar yfir. Svo held ég líka að foreldrar ykkar myndu fá nett flog ef ég væri að tölta með ykkur yfir svæði í bullandi skjálftavirkni.

Á Úlfljótsvatni verður hins vegar massastuð, tanið vörkað, klifur og sig, bátarnir og vatnasafaríið. Hlakka mikið til að hitta ykkur öll og djamma eina feita Pirates- útilegu.

London, París, Róm. Voru orðin tóm...

... annað gildir þó um Amsterdam. En þangað stefnir okkar frábæra, yndislega, ástúðlega, hláturmilda, hjartahlýja, gjafmilda, fyndna, skemmtilega, aðdáunarverða, hæfileikaríka og uppáhalds Hildur Birnan okkar í Örnum. Góða ferð og ekki kaupa eða éta dóp í Amsterdam. Við hin látum okkur bara leiðast á meðan þú ert í burtu.

Ps. Hver kaupir blöðruna í partýið til að fagna því að Hil......

17. maí - Fjölskyldudagur Stöðvar 2.

Sæl öll.

Ég geri ráð fyrir því að þið mætið öll í Fjölskyldu- og húsdýragarðinn á laugardaginn næsta. Mæting er klukkan hálf níu um morgunin.

Dagurinn er gríðarlega mikilvægt í fjáröflunatækifæri fyrir skátafélagið og það er ekki spurning í mínum huga að allir eiga að mæta, annað er ekki í boði. Sumir geta verið í stuttan tíma og aðrir lengur en allar hendur verða að vera á staðnum.

Hlakka til að sjá ykkur. Ég verð Hvítbakurinn í blöðrutjaldinu og þarf góða og virka blöðru-apa með mér í lið.

SOVÉT-upplýsingar.

Kæru félagar.

Stórkostlegt og magnað SOVÉT framundan þann 11. maí í Ægisbúð. Húsið opnar klukkan 17.30 og stuttu síðar hefst eldamennska. Á matseðli eru mexíkanskar pönnukökur og fjölbreytt meðlæti, vinsamlegast hringja í Snorra ef þið ætlið að borða slíkt gómsæti. Þeir sem hafa sérþarfir í meðlæti eða jafnvel mat skulu redda sér sjálfir. Gjaldið fyrir matinn verður ekki meira 1000,- kr. og er þá innfalið matur, vatn eins og þú getur í þig látið, borðbúnaður, borð og stóll, m.ö.o. gjafaprís. Aðrir koma með 200,- kr. í nammi- og naslpúkkið. Næturvaktinn verður í höndum Bjarna Páls og Guðrúnar okkar dáða aðstoðarsveitarfóls. Önnur dagskrá kvöldsins verður glápa á vidjó, éta sælgæti, King Frog og öskra. Brottför verður seinasta lagi kl. 15.00 á mánudaginn en þó aldrei fyrr en búið er að taka alveg til og þrífa.

Útbúnaðarlisti:
Morgunmatur.
Svefnpoki.
Pening.
Ólöglegar nammibirgðir.
Náttarar.
Snyrtideild Hagkaupa.
Tyggjó vegna andfýlu.
Myndavélar.
Minnst 1 DVD-mynd, þætti, eitthvað skemmtilegt.
Gott skap.

SOVÉT-KYNNING

Kæru félagar.

Félagar Snorri, Hildur og Kristín munu kynna fyrir félögum SOVÉT ráðgerðir sínar á fundi í kvöld klukkan átta í Ægisbúð.

Lengi lifi SOVÉT.